Zougang zu Wëssen ouni Limitten
D'EU schützt dat, wat wichteg ass – dorënner äert Recht, Wësse fräi ze sichen, ze deelen an ze vertrauen.
An e puer Deeler vun der Welt sti Wëssenschaftler ënner Drock, Zensur oder Bedrohungen. An der EU kënnen si hir Fuerschung onofhängeg bedreiwen, well d'wëssenschaftlech Fräiheet e fundamentaale Prinzip vun enger demokratescher Gesellschaft ass.
An enger Demokratie ze liewe bedeit, datt Iddie fräi exploréiert, hannerfrot a gedeelt kënne ginn. Egal ob dir Fuerscher, Student oder einfach virwëtzeg sidd – an der EU gëtt äert Recht op wëssenschaftlech an akademesch Fräiheet geschützt.
Wat bedeit dat fir iech?
Dir sidd fräi, Iddien ouni Angscht ze exploréierenFuerscherinnen a Fuerscher an Akademiker an der EU kënne selwer entscheeden, wat si studéieren, schwéier Froe stellen an den Evidenzen nogoen – och wann d'Äntwerten onbequeem sinn.
Wëssen ass onofhängeg vu politeschem AflossUniversitéiten a Fuerschungsorganisatiounen an der EU si virun onerlaabtem Afloss geschützt, sou datt Entscheedungen iwwer Fuerschung op akademesche Grënn baséieren – net op politeschen.
Dir kënnt Fuerschung fräi deelen an diskutéierenWëssenschaftler an der EU si fräi, hir Erkenntnisser ze verëffentlechen, iwwer hir Aarbecht ze schwätzen an un ëffentlechen Debatten deelzehuelen. Diskussioun, Oneneenegkeet a kritesch Iwwerpréiwung si geschützt – si droen dozou bäi, datt Wëssenschaft an Demokratie sech weiderentwéckelen.
Wéi ginn dës Fräiheete geschützt?
Dës Schutzmoossnamen si konkret a kënnen duerchgesat ginn.
D'Charta vun de Grondrechter garantéiert d'wëssenschaftlech Fräiheet souwéi d'Fräiheet vum Denken, vun der Meenungsäusserung a vun der Informatioun, a setzt d'Sich no Wëssen an den Zentrum vun deem, fir wat d'EU steet.
Dësen Engagement weist sech och a konkreter Ënnerstëtzung duerch d‘EU vun Leit an Institutiounen, déi de wëssenschaftleche Fortschrëtt virundreiwen. D'EU hëlleft, d'wëssenschaftlech Fräiheet ze schützen, andeems si Projete finanzéiert, déi d'europäesch Fuerschung onofhängeg, oppen a kollaborativ halen.
Zum Beispill finanzéiert d'EU iwwer hire Programm Horizon Europe onofhängeg Fuerschung, fërdert oppe Wëssenschaft an dréit dozou bäi, d'Fräiheet an d'Integritéit vun der wëssenschaftlecher Aarbecht ze schützen.
D'EU baut och den Europäesche Fuerschungsraum (ERA) op – e gemeinsame Raum ouni Grenze fir Fuerschung, Innovatioun an Technologie, dee soll garantéieren, datt d'Wëssenschaft an Europa oppen a kollaborativ bleift.
Wat denken d’Europäer?
Quell: Eurobarometer, Februar 2025
